Tag

, , ,

Ecco i gòsos, i canti devozionali sardi, dedicati alla Beata Vergine di Gonare.

Alta Reina Singulare,
De su Chelu Imperadora,
O Soberana Pastora
De su Monte de Gonare.
Si allegrat dogni orizzonte,
Ogni riu ed ogni fonte
Si torrat allegru mare.
In custu monte chi Tue
Abitas, alta Segnora,
Grassias e benes dogn’ora
Nos distillat dogni nue;
O diciosu logu in ue
Est su tou dignu abitare.
O Soberana, ecc.

Cale Pastora Serrana
Istas in custa alta serra,
Essende de Chelu e terra
Alta Reina Soberana;
Pastora bella e galana
Serrana digna de amare.
O Soberana Pastora
De su Monte de Gonare.

In monte d’alta grandesa
Tenes assentadu tronu
A tottus dande perdonu
Cun soberana larghesa;
Ogni bene, ogni ricchesa
Tenes in manos pro dare.
O Soberana, ecc.

Milli grassias e bellesas,
Milli tesoros e benes,
Segnora, in sas manos tenes,
Sas infinitas ricchesas;
Mare immensu de grandesas,
Dignu semper de alabare.
O Soberana, ecc.

Cun gloriosos risplendores
Relughes in custu monte
Essende de grassias fonte
De tottu sos peccadores;
Merzedes, grassias, favores
Benin pro ti domandare.
O Soberana, ecc.

S’Angelica Gerarchia,
Anghelos e Cherubinos,
Patriarcas e Serafinos
T’assistin in cumpagnia;
Cantan cun suave armonia
Repitinde in su cantare.
O Soberana, ecc.

Sa Soberania tanta
Ch’in custa montagna mostras,
Sas nezessidades nostras
Repara, Reina Santa;
O Segnora, cantu est canta
Sa tua grassia singulare.
O Soberana, ecc.

Zente infinita e istragna,
Bezzos, mannos e pizzinos,
A sos pees tuos benignos
Benin in custa montagna,
Cun devossione manna
Accudin pro ti adorare.
O Soberana, ecc.

Sas roccas distillan perlas,
Sas mattas grassias e donos,
Cun milli boghes e tonos
T’acclaman sas aves bellas,
Sas relughentes istellas
Falan pro ti coronare.
O Soberana, ecc.

Zegos, toppos, istroppiados
Benin a ue ses Tue
E s’ind’andan dae cue
De males remediados;
Perdonu de sos peccados
Segnora nos chergias dare.
O Soberana, ecc.
Chelu si torrat su monte
Cun sa tua alta assistenzia,
A sa Tua digna presenzia
O Soberana, ecc.

Serenissima Segnora,
Mama de Deus singulare,
O Soberana Pastora
De su monte de Gonare.

Selezionare il collegamento seguente per scaricare la versione pdf del canto: gòccius alla Beata Vergine di Gonare.