O Gloriosissima semper Virgine e Mama de Deus Maria, chi pro mazzore gloria de fizu Bostru, bene meu e de tottu su mundu, hazis elegìdu essere adorada mediante sa sagrada invocassione de sa Virgine de Gonare, a sos pees de chie deo so cun prufunda umilidade prostradu, implorende, o grande Mama, sa Bostra misericordia pro alcanzàremi dae sa Divina Majestade s’amore sou, s’amore Bostru e de su prossimu. Siat in su coro meu unu incendiu de ardente caridade, pro chi esercitande sas virtudes christianas e operas meritorias, potta cunsighìre, in sa Bostra adorabile cumpagnia, sa vida eterna: cunzedìdemi tambene sa grassia chi bos pedo in custa novena, si est cumbeniente a sa salvassione de s’anima mea, pro chi crescat in me s’obbligassione de sa gratitudine in servire cun mazzore affettu a su preziosissimu Fizu Bostru e a Bois, o Suprema Imperadora de su Chelu e de sa Terra; e giaghì Fizu Bostru, Divinu Redentore, Bos elegesit pro dispensadora de tottus sas grassias, affine chi deo haere àppidu unu mediu tantu efficace pro alcanzarelas, intercedìde, o Reina de Gonare, chi mi si cunzedat sa perseveranzia in osservare sos divinos precettos e sa grassia finale in s’hora de sa morte pro bolare a sa gloria eterna. Amen Gesus

Recitiamo tre Padre Nostro, Ave Maria e Gloria al Padre ogni giorno, ringraziando la Santissima Trinità:

• il Padre, per aver concesso a Maria Santissima, come Figlia, l’attributo del potere
• il Figlio, per averla adornata come Madre della saggezza
• lo Spirito Santo, per averla dotata, come Sposa, di un amore immenso

Santuario di Nostra Signora di Gonare

Ecco i gosos, i canti devozionali sardi, dedicati alla Madonna di Gonare.

Alta Reina Singulare,
De su Chelu Imperadora,
O Soberana Pastora
De su Monte de Gonare.

In custu monte chi Tue
Abitas, alta Segnora,
Grassias e benes dogn’ora
Nos distillat dogni nue;
O diciosu logu in ue
Est su tou dignu abitare.

O Soberana Pastora
De su Monte de Gonare.

In monte d’alta grandesa
Tenes assentadu tronu
A tottus dande perdonu
Cun soberana larghesa;
Ogni bene, ogni ricchesa
Tenes in manos pro dare.

O Soberana Pastora
De su Monte de Gonare.

Cun gloriosos risplendores
Relughes in custu monte
Essende de grassias fonte
De tottu sos peccadores;
Merzedes, grassias, favores
Benin pro ti domandare.

O Soberana Pastora
De su Monte de Gonare.

Sa Soberania tanta
Ch’in custa montagna mostras,
Sas nezessidades nostras
Repara, Reina Santa;
O Segnora, cantu est canta
Sa tua grassia singulare.

O Soberana Pastora
De su Monte de Gonare.

Sas roccas distillan perlas,
Sas mattas grassias e donos,
Cun milli boghes e tonos
T’acclaman sas aves bellas,
Sas relughentes istellas
Falan pro ti coronare.

O Soberana Pastora
De su Monte de Gonare.

Chelu si torrat su monte
Cun sa tua alta assistenzia,
A sa Tua digna presenzia
Si allegrat dogni orizzonte,
Ogni riu ed ogni fonte
Si torrat allegru mare.

O Soberana Pastora
De su Monte de Gonare.

Milli grassias e bellesas,
Milli tesoros e benes,
Segnora, in sas manos tenes,
Sas infinitas ricchesas;
Mare immensu de grandesas,
Dignu semper de alabare.

O Soberana Pastora
De su Monte de Gonare.

S’Angelica Gerarchia,
Anghelos e Cherubinos,
Patriarcas e Serafinos
T’assistin in cumpagnia;
Cantan cun suave armonia
Repitinde in su cantare.

O Soberana Pastora
De su Monte de Gonare.

Zente infinita e istragna,
Bezzos, mannos e pizzinos,
A sos pees tuos benignos
Benin in custa montagna,
Cun devossione manna
Accudin pro ti adorare.

O Soberana Pastora
De su Monte de Gonare.

Zegos, toppos, istroppiados
Benin a ue ses Tue
E s’ind’andan dae cue
De males remediados;
Perdonu de sos peccados
Segnora nos chergias dare.

O Soberana Pastora
De su Monte de Gonare.

Serenissima Segnora,
Mama de Deus singulare,
O Soberana Pastora
De su monte de Gonare.