Ecco i gòsos scritti da Salvatore Musu, teologo e rettore di Laconi dal 1849 al 1873, in onore di Sant’Ignazio.

De virtudis e de zelu
Esemplari luminosu
Prega po noso in su xelu
Ignaziu prodigiosu

In Laconi fortunau
Sa prima luxi ais biu
De sa grazia preveniu
Ais s’edadi avvanzau
E virtudis praticau
De fidele fervorosu.
Prega ecc…

Is bostos cumpaesanus
Os si mirant in prima edadi
Modellu de santidadi
Po is benes soberanus
Villipendede is mundanus
Cun animu ossequiosu
Prega ecc…

Po miraculu scampau
De perigulu imminente
Ais luego prontamente
Sa grazia assegundau
E a su seculu donau
Un addiu generosu
Prega ecc…

In is terras de su mundu
Planta già rigogliosa
E si pesat portentosa
In terrenu prus fecundu
Succiandu de su profundu
Umore sostanziosu
Prega ecc…

Religiosu professau
In is Paras Cappuccinus
De meritus peregrinus
Tesoros had acchistau
E de Franciscu imitau
Su bivi miraculosu
Prega ecc…

Piccinu però anzianu
In sa via de perfezione
Si bit cun ammirazione
In s’arringu cristianu
Solu chi a su mengianu
Est cumparsu luminosu
Prega ecc…

In virtudis teologalis
E cardinalis ancora
Splendentissima aurora
De rajus celestialis
A is fragilis mortalis
Luminaris potentosu
Prega ecc…

De Cristus Cruzifissau
Imitatore perfettu
Had in sa mente in su pettu
S’umilidadi portau
Cun sa ruxi coronau
S’edifiziu misteriosu
Prega ecc…

Digiunus e silizius
Suspirus pregadorias
Cun giaculatorias pias
Funt impari esercizius
Cun chi dominad i vizius
De su corpus orgogliosu
Prega ecc…